Mitoma verður með Brighton í bikarnum

Fabian Hurzeler, stjóri Brighton, greindi frá stöðu mála á leikmannahópi sínum á fréttamannafundi í dag. Brighton mætir Nottingham Forest á morgun í 8-liða úrslitum FA-bikarsins.

Hann segist vongóður um að Lewis Dunk, Solly March og Matt O’Riley geti allir spilað en stóru fréttirnar eru þær að lykilmaðurinn Kaoru Mitoma er klár í slaginn eftir að hafa jafnað sig af hnémeiðslum.

Það er hinsvegar lengra í Tariq Lamptey og endurhæfingarferli Joel Veltman er enn í gangi.