28.07.08 - 10:26
Hörður Snævar Jónsson
HK fær tvo erlenda varnarmenn (Staðfest)
Mynd: Fótbolti.net - Gísli Baldur
Mynd: Fótbolti.net - Gísli Baldur
HK hefur bætt tveimur erlendum leikmönnum í hóp sinn fyrir lokasprettinn í Landsbankadeildinni í knattspyrnu. Þeir eru Erdzan Beciri frá Slóveníu og Benis Krasniqi frá Kósóvó.
Beciri er 23 ára og hefur leikið í efstu deild í Slóveníu og Póllandi og í næstefstu deild í Ungverjalandi, síðast með Ivancna Gorica í Slóveníu. Hann á að baki fjölda leikja með yngri landsliðum Slóveníu, síðast með 21 árs landsliðinu.
Krasniqi er 27 ára og hefur spilað nokkra óopinbera landsleiki með Kósóvó, sem er nýbúið að fá sjálfstæði frá Serbíu. Hann er frá Besa, sem hefur orðið meistari í Kósóvó þrisvar á síðustu fjórum árum.
HK missti í síðustu viku Hermann Geir Þórsson og áður hafði liðið misst Hólmar Örn Eyjólfsson.
Þessir leikmen verða ekki með í kvöld en ættu að líkindum að ná næsta leik gegn Keflavík.
,,Þetta eru hörkugóðir leikmenn, þeir hafa sýnt það á æfingunum með okkur, og eiga eftir að styrkja okkur í baráttunni það sem eftir er sumars,\" sagði Rúnar Páll Sigmundsson þjálfari HK við heimasíðu félagsins.
Krasniqi er 27 ára og hefur spilað nokkra óopinbera landsleiki með Kósóvó, sem er nýbúið að fá sjálfstæði frá Serbíu. Hann er frá Besa, sem hefur orðið meistari í Kósóvó þrisvar á síðustu fjórum árum.
HK missti í síðustu viku Hermann Geir Þórsson og áður hafði liðið misst Hólmar Örn Eyjólfsson.
Þessir leikmen verða ekki með í kvöld en ættu að líkindum að ná næsta leik gegn Keflavík.
,,Þetta eru hörkugóðir leikmenn, þeir hafa sýnt það á æfingunum með okkur, og eiga eftir að styrkja okkur í baráttunni það sem eftir er sumars,\" sagði Rúnar Páll Sigmundsson þjálfari HK við heimasíðu félagsins.
Heimild: Heimasíða HK
