Lestu um leikinn: Fylkir 2 -  0 Grótta

Ólafur Stígsson annar þjálfari Fylkis var létt eftir að fyrsti sigur sumarsins var í höfn.

„Fyrstu viðbrögð bara gríðarlega ánægður með að ná þessum 3 stigum sem við ætluðum okkur. Hræðilegt að missa Helga sem er brotinn að öllum líkindum. Það er er kannski slæma við þetta en góða við þetta er að við unnum leikinn."

Helgar Valur Daníelsson meiðist illa á 51. mínútu leiksins þegar hann lendir illa í því eftir tæklingu. Ólafur telur að þetta sé sköflungurinn sem er brotinn.

„Miðað við það sem við heyrum þá er þetta sköflungurinn."

Sam Hewson var ekki í leikmannahóp Fylkis í kvöld og var Óli spurður út í hans fjarveru.

„Bara tæpur í hnénu."

Fylkismenn eru komnir á blað í deildinni og var Óli alsæll með fyrstu þrjú stig sumarsins væri í höfn.

„Já já, gríðarlega gott, við náum líka að halda hreinu sem er
gríðarlega mikilvægt fyrir okkur. Við erum alsælir með þessi þrjú stig. Leikirnir eru búnir að þróast hjá okkur þannig að við erum búnir að bæta okkur með hverjum leik og vonandi höldum við því bara áfram."

Viðtalið í heild má sjá í sjónvarpinu hér að ofan.