Ótrúlegt hrun Vestra eftir sigurinn í Mjólkurbikarnum
Vestri hefur fengið eitt stig eftir að hafa hampað Mjólkurbikarnum.
Mynd: Fótbolti.net - Haukur Gunnarsson
Davíð Smári Lamude, þjálfari Vestra.
Mynd: Fótbolti.net - Hafliði Breiðfjörð
Vestri hefur fengið eitt stig eftir að hafa hampað Mjólkurbikarnum.
Mynd: Fótbolti.net - Haukur Gunnarsson
Vestri tapaði 0-5 fyrir ÍBV á Kerecisvellinum í gærdag. Eftir að liðið vann úrslitaleik Mjólkurbikarsins gegn Val í ágúst hefur Vestri ekki unnið leik og aðeins uppskorið eitt stig.
Davíð Smári: Tek þetta tap mjög nærri mér
Fyrir úrslitaleik Mjólkurbikarsins sat liðið í 5. sæti deildarinnar með 26 stig og í baráttu um að vera í efri hluta tvískiptingarinnar.
Þá hafði Vestri fengið á sig nítján mörk í átján leikjum, fæst allra í deildinni og liðið hafði ekki fengið á sig meira en tvö mörk í einum og sama leiknum.
Í þeim fimm leikjum sem Vestri hefur spilað eftir úrslitaleikinn hefur liðið fengið á sig átján mörk, mest allra í deildinni, og skorað þrjú, lægst allra í deildinni.
Liðið er nú í 10. sæti, aðeins tveimur stigum frá fallsæti. Vestri á eftir að mæta bæði Aftureldingu og KR, liðunum tveimur fyrir neðan þá.
Leikir Vestra frá sigrinum í Mjólkurbikarnum:
Davíð Smári Lamude, þjálfari Vestra.
Mynd: Fótbolti.net - Hafliði Breiðfjörð
