Herve Renard hefur verið ráðinn sem nýr landsliðsþjálfari kvennalandsliðs Frakklands eftir að harðstýran Corinne Diacre var rekin úr starfi á dögunum.
Renard er að stíga sín fyrstu skref sem þjálfari kvennaliðs en hann býr yfir mikilli reynslu úr fótboltaheiminum og þá sérstaklega þegar kemur að landsliðum.
Hinn 54 ára gamli Renard sagði upp starfi sínu við stjórnvölinn hjá karlalandsliði Sádí-Arabíu til að taka við kvennalandsliði Frakka, en þar áður hafði hann þjálfað Marokkó, Fílabeinsströndina, Sambíu og franska félagið Lille meðal annars.
Renard er ráðinn aðeins fjórum mánuðum fyrir lokamót HM og verður því að öllum líkindum fyrsti þjálfarinn til að hafa þjálfað á bæði HM karla og kvenna. Hann fer því á tvö heimsmeistaramót á tæplega einu ári.
????? ????????????????????? ???????????????????????? est le nouveau sélectionneur de l'Equipe de France Féminine ????????
— Equipe de France Féminine (@equipedefranceF) March 30, 2023
Le technicien français s'est engagé jusqu'en août 2024.#FiersdetreBleues pic.twitter.com/O48SxTX29i
