30.04.12 - 12:09
Magnús Már Einarsson
Lukas Podolski til Arsenal (Staðfest)
Mynd: Getty Images
Mynd: Getty Images
Lukas Podolski, framherji Köln, mun ganga til liðs við Arsenal í sumar en þýska félagið staðfesti þetta á heimasíðu sinni í dag.
Félagaskiptin hafa legið í loftinu í marga mánuði og nú er staðfest að Podolski mun fara til Englands í sumar.
Félagaskiptin hafa legið í loftinu í marga mánuði og nú er staðfest að Podolski mun fara til Englands í sumar.
Kaupverðið hefur ekki verið gefið upp en Podolski var samningsbundinn Köln til ársins 2013.
,,Þessi félagaskipti til Arsenal gefa mér frábært tækifæri til að fá reynslu í alþjóðlegum keppnum hjá toppfélagi í Evrópu,\" sagði Podolski.
,,Þetta var alls ekki auðveld ákvörðun fyrir mig því Köln, stuðningsmennirnir og borgin skipa sérstakan sess hjá mér.\"
Hinn 26 ára gamli Podolski er uppalinn hjá Köln og hefur leikið allan sinn feril með félaginu fyrir utan tíma sinn hjá FC Bayern frá 2006-2009.
,,Þessi félagaskipti til Arsenal gefa mér frábært tækifæri til að fá reynslu í alþjóðlegum keppnum hjá toppfélagi í Evrópu,\" sagði Podolski.
,,Þetta var alls ekki auðveld ákvörðun fyrir mig því Köln, stuðningsmennirnir og borgin skipa sérstakan sess hjá mér.\"
Hinn 26 ára gamli Podolski er uppalinn hjá Köln og hefur leikið allan sinn feril með félaginu fyrir utan tíma sinn hjá FC Bayern frá 2006-2009.
Heimild: Heimasíða Köln
