Andri Júlíusson á láni til KA (Staðfest)

,,Hann er ekki fastamaður í liðinu og við erum í raun með nóg af framherjum í liðinu. Við hefðum verið til í að halda honum en hans vegna var þetta besta lausnin, að fá að spila og öðlast reynslu,\" sagði Bjarki Bergmann Gunnlaugsson þjálfari ÍA við Fótbolta.net í dag.

Andri er uppalinn Skagamaður en hann steig sín fyrstu skref með meistaraflokki sumarið 2005.

Í sumar hefur Andri leikið þrettán leiki í deild og bikar og skoraði eitt mark með Skagamönnum.

Andri, sem er 23 ára, skoraði tvö mörk í sextán leikjum í Landsbankadeildinni í fyrra.