Fabio Paratici, yfirmaður fótboltamála hjá Tottenham, mun ekki sinna starfi sínu á meðan beðið er eftir úrskurði úr fjársvikamáli ítalska fótboltasambandsins gegn Juventus. Þetta staðfestir enska úrvalsdeildarfélagið í dag.
Paratici fékk 30 mánaða bann fyrir afskipti sín í fjármálabraski ítalska félagsins Juventus sem hann starfaði áður fyrir, en félagið er sakað um alvarleg fjársvik og hafa nú þegar verið dregið fimmtán stig af liðinu í ítölsku deildinni.
Bannið átti aðeins við um ítalskan fótbolta en FIFA ákvað að víkka bannið og gildir það nú um allan heim.
Því neyðist Paratici til að stíga til hliðar og hefur Tottenham nú staðfest þær fregnir.
Paratici áfrýjaði banninu og mun niðurstaðan koma í ljós í næsta mánuði. Ef hann tapar áfrýjuninni þá er ljóst að hann lætur af störfum hjá Tottenham.
Fabio Paratici - Update
— Tottenham Hotspur (@SpursOfficial) March 31, 2023
Athugasemdir
