31.10.08 - 16:31
Hafliði Breiðfjörð
Þórhildur Ólafsdóttir lánuð til Crystal Palace (Staðfest)
Þórhildur hampar sigri í 2. flokki kvenna í sumar ásamt Sögu Huld Helgadóttur.
Mynd: Eyjafréttir
Þórhildur hampar sigri í 2. flokki kvenna í sumar ásamt Sögu Huld Helgadóttur.
Mynd: Eyjafréttir
Þórhildur Ólafsdóttir ÍBV er gengin í raðir enska félagsins Crystal Palace á láni til áramóta. Crystal Palce leikur í 1. deildinni á Englandi sem er næst efsta deildin þar í landi. Frá þessu er greint á vefsíðu ÍBV í dag.
Þórhildur mun leika með liðinu fram að jólum en þá snýr hún aftur til Vestmannaeyja. Þórhildur sem er 18 ára gömul lék 12 leiki með ÍBV í 1. deildinni í sumar og skoraði í þeim þrjú mörk auk þess sem hún lék einn leik í bikarnum.
Á vefsíðu ÍBV segir að umgjörð í kringum Crystal Palace liðið er með þeim betri á Englandi.
Þar segir einnig að enska félagið hefur boðið forráðamönnum kvennaknattspyrnunar hjá ÍBV að koma til London til að kynna sér aðstæður þar með samvinnu liðanna í huga.
Þórhildur var í dag valin í U19 ára landsliðshóp kvenna.
Á vefsíðu ÍBV segir að umgjörð í kringum Crystal Palace liðið er með þeim betri á Englandi.
Þar segir einnig að enska félagið hefur boðið forráðamönnum kvennaknattspyrnunar hjá ÍBV að koma til London til að kynna sér aðstæður þar með samvinnu liðanna í huga.
Þórhildur var í dag valin í U19 ára landsliðshóp kvenna.
Heimild: Vefsíða ÍBV
