Massimo Allegri, þjálfari AC Milan á Ítalíu var ánægður eftir markalaust jafntefli liðsins gegn Barcelona í 8-liða úrslitum Meistaradeildar Evrópu í kvöld.
Milan og Barcelona gerðu markalaust jafntefli á San Siro í kvöld, en það voru gestirnir sem voru í heildina hættulegri. Allegri telur ítalska liðið standa betur að vígi fyrir síðari leikinn sem fer fram á heimavelli Barcelona, Nou Camp.
,,Við vorum gríðarlega skipulagðir aftast og við verðum að vera ánægðir með úrslitin í kvöld, því að þetta gerir síðari leikinn enn opnari," sagði Allegri.
,,Barcelona hefur skorað í næstum öllum leikjum sínum, svo að ég verði að hrósa vörninni fyrir leikinn í kvöld. Það verður erfitt á Spáni, en þessi úrslit í kvöld gefa okkur meiri styrk," sagði hann að lokum.
