,,Mér fannst við spila leikinn vel en við náðum ekki að klára færin okkar. Þetta hefði getað dottið hvorum megin sem er," sagði Hallbera Guðný Gísladóttir leikmaður Íslands eftir 0-1 tap gegn Dönum í undankeppni HM í kvöld.
Lestu um leikinn: Ísland 0 - 1 Danmörk
,,Við fengum nokkur dauðafæri í fyrri hálfleik, reyndar áttum við ekki mörg færi í seinni hálfleik en við áttum að klára þetta í fyrri og halda hreinu líka."
,,Við erum hápressaðar allan leikinn og það tekur alveg á en þær ná takti í seinni hálfleik. Þetta hefði getað farið öðru hvorum megin."
Ísland er úr leik í undankeppninni með þessu tapi.
,,Við vorum óheppnar með riðil. Sviss kemur inn í þetta og er með langbesta liðið. Við erum búnar að standa okkur vel á móti Danmörku sem átti að vera besta liðið í riðlinum. Þær eiga skilið að fara áfram."
Nánar er rætt við hana í sjónvarpinu að ofan.
Athugasemdir