Colin Todd, þjálfari Randers, vill sjá Theodór Elmar Bjarnason skora meira í leikjum en hann er byrjaður að spila á vinstri kantinum hjá liðinu.
Elmar lék á miðjunni hjá Randers en hann er nú kominn á vinstri kantinn.
,,Ég er ekki í vafa um að hann geti staðið sig vel þar, annars hefði ég ekki tekið þessa ákvörðun," sagði Todd.
,,Hann hefur staðið sig vel. Hann er góður á boltann og hann er orkumikill. Hann má hins vegar skora fleiri mörk. Hann skoraði á móti Bröndby en hann á eftir að skora meira."
,,Hann nýtur þess að spila í þessari stöðu. Hann er ekki pirraður yfir því að spila þarna og það er mikilvægt."
Elmar var í hægri bakverði í 3-0 sigri Íslands gegn Tyrkjum fyrr í þessum mánuði en hann átti góðan leik þar.
Athugasemdir