Man City keypti Nicolas Otamendi frá Valencia í sumar og hugðist senda Mangala til Spánar í staðinn.

Mangala átti erfitt uppdráttar á síðustu leiktíð en er staðráðinn í að sanna sig á Etihad.

„Ég hafnaði því að fara að láni til Valencia því það væri skref aftur á bak. Mér finnst ég vera nógu góður til að byrja hjá Manchester City." sagði Mangala í viðtali við Sky fréttastöðina.

Varnarleikur City hefur verið til mikillar fyrirmyndar í upphafi tímabils og hefur liðið enn ekki fengið á sig mark. Mangala hefur leikið við hlið Vincent Kompany í hjarta varnarinnar.