Jurgen Klopp, stjóri Liverpool, hefur sent Mamadou Sakho heim úr æfingaferð liðsins í Bandaríkjunum.
Hinn 26 ára gamli Sakho hefur verið að glíma við meiðsli á hásin og ljóst er að hann missir af byrjun tímabilsins í ensku urvalsdeildinni.
Sakho fór með í æfingaferðina til Bandaríkjanna ásamt öðrum meiddum leikmönnum.
Klopp hefur nú ákveðið að senda Frakkann heima og talið er að stjórinn sé ósáttur með hugarfar hans í ferðinni.
Sakho mætti of seint í flugið til Bandaríkjanna og annað atvik kom upp í ferðinni í Bandaríkjunum sem Klopp var ekki ánægður með. Hann hefur því sent Sakho aftur til Englands þar sem hann heldur áfram í endurhæfingu eftir meiðslin.
Athugasemdir