Garðar, sem er 36 ára, var útnefndur leikmaður ársins hjá Fylki á síðasta tímabili en hann skoraði þá fjögur mörk í 19 leikjum í Pepsi-deildinni.

Hann er þegar kominn með félagaskipti til KFG og mun styrkja liðið verulega fyrir baráttuna í 3. deildinni.

KFG ætlar sér stóra hluti og mun bæta við sig leikmönnum á næstu vikum.

Garðar er ásamt þjálfurum KFG á myndinni, þeim Birni, Kristjáni og Lárusi við undirskrift félagaskiptanna.

Garðar sem á að baki 8 leiki fyrir landslið Íslands hefur einnig spilað með Stjörnunni, KR og Val á ferlinum.