„Ég held að hann muni klárlega fara til Manchester United. Hann hefur myndað frábært samband við Paul Pogba í landsliðinu og utan vallar eru þeir líka góðir vinir," segir Petit.

„Hann kemur með mörk og stoðsendingar til United en einnig hugarfar sigurvegara. Hann hefur á síðustu fjórum árum bætt sig á hverju ári. Hann hefur mikinn metnað persónulega og líka fyrir liðið sem hann spilar fyrir. Hann yrði stór biti fyrir Manchester United."

Jose Mourinho vill styrkja sitt lið í sumar og ef Wayne Rooney fer til Kína skapast pláss í sóknarmannahópnum.

United er langt frá því að vera öruggt með Meistaradeildarfótbolta á næsta tímabili en það skiptir miklu máli fyrir félagið varðandi hugsanleg leikmannakaup í sumar.