Þá gagnrýnir Carragher leikmenn Englandsmeistara Leicester fyrir að leggja miklu meira á sig í þessum leik heldur en í sex úrvalsdeildarleikjum á undan þar sem liðið skoraði ekki mark.

„Ég held að þetta sé í fyrsta sinn sem ég sé fótboltaleik þar sem bæði lið eiga að skammast sín þegar þau ganga af velli," segir Carragher sem er goðsögn hjá Liverpool.

„Liverpool á að skammast sín fyrir hversu lélegt liðið var og Leicester fyrir að hafa ekki lagt þetta á sig í öðrum leikjum."

Félagi hans á Sky Sports, Gary Neville, tók í sama streng og sagði að stærsta breytingin á Leicester hafi einfaldlega verið vinnuframlagið. Leikmenn hefðu sjálfir nennt að leggja sig fram. Craig Shakespeare bráðabirgðastjóri hefði ekki haft þessi áhrif.

Liverpool virðist hægt og rólega vera að detta úr topp fjórum í deildinni en Leicester náði með sigrinum að komast úr fallsæti.