Nýliðar Brighton eru að styrkja sig fyrir komandi átök í ensku úrvalsdeildinni. Þeir eru að kaupa sóknarmann frá Gana. Allir helstu fréttamiðlarnir á Englandi hafa sagt frá þessu í dag.
Maðurinn er Raphael Dwamena, en hann hefur að undanförnu spilað með FC Zurich í Sviss. Þar spilar Guðlaugur Victor Pálsson.
Maðurinn er Raphael Dwamena, en hann hefur að undanförnu spilað með FC Zurich í Sviss. Þar spilar Guðlaugur Victor Pálsson.
Dwamena, sem er 21 árs gamall, er búinn að semja persónulega við Brighton, en hann á eftir að fara í læknisskoðun og fá atvinnuleyfi.
Fyrsta tilboði Brighton upp á 8 milljónir punda var hafnað, en talið er að félagið hafi síðan boðið 12 milljóniir punda. Það var samþykkt.
Dwamena hefur raðað inn mörkunum í Sviss, en það verður spennandi að sjá hvað hann gerir í ensku úrvalsdeildinni.
Brighton hefur tapað tveimur fyrstu leikjum sínum í ensku úrvalsdeildinni. Um helgina töpuðu þeir gegn Leicester.
Athugasemdir