„Ég er mjög kátur með þetta, frábær sigur fyrir okkur í dag," sagði Helgi Sigurðsson, þjálfari Fylkis, eftir sigur á ÍBV í kvöld.
Lestu um leikinn: Fylkir 2 - 1 ÍBV
Fylkir komst snemma yfir eftir kjánaleg mistök hjá markverði ÍBV. Fylkir hélt forystunni alveg fram á 89. mínútu þegar staðan varð 2-0. Lokatölur í Egilshöll urðu 2-1.
„Við vissum að þetta yrði erfitt. Það hafa verið margir leikir á skömmum tíma og þetta hefur kostað mikla krafta frá strákunum mínum en þeir hafa staðist undir þeirri pressu."
„Í dag áttum við þetta skilið."
„Við vorum betri í fyrri en seinni hálfleik. Það er alltaf þannig í fótbolta að maður dettur niður á köflum í leikjum. En þá er mikilvægt að halda skipulagi og við gerðum það, þess vegna unnum við. Við erum líka með góða leikmenn inn af bekknum."
Viðtalið er í heild sinni hér að ofan.
Athugasemdir