Amath Diedhiou.
FH-ingar reikna með því að kantmaðurinn Amath André Diedhiou verði kominn með leikheimild fyrir leikinn gegn Keflavík í Pepsi-deildinni á sunnudag. Þetta segir Jón Rúnar Halldórsson, formaður knattspyrnudeildar FH.
Amath var ekki með í sigrinum gegn KR í fyrstu umferð þar sem hann hafði ekki fengið tilskylin leyfi frá útlendingastofnun en þau eru að landast.
Amath var ekki með í sigrinum gegn KR í fyrstu umferð þar sem hann hafði ekki fengið tilskylin leyfi frá útlendingastofnun en þau eru að landast.
Diedhou kemur frá Senegal, en hefur leikið með liðum meðal annars í Moldavíu.
FH-ingar urðu fyrir áfalli í leiknum gegn KR þegar bakvörðurinn Jonathan Hendrickx meiddist illa. Hann er með tognuð eða slitin liðbönd og kemur í ljós eftir tvær vikur hvort það verði sex vikur eða þrír mánuðir sem hann mun missa af.
„Að mínu mati er hann langbesti hægri bakvörðurinn í deildinni," sagði Heimir Guðjónsson, þjálfari FH, í viðtali við Morgunblaðið.
Jón Rúnar segir að FH ætli ekki út á markaðinn þrátt fyrir meiðslin hjá Hendrickx. „Við settum saman þetta breiðan hóp til að ráða við áfall sem þetta," segir Jón Rúnar.
Athugasemdir
