Gunnhildur Yrsa skoraði í báðum leikjunum í þessum landsliðsglugga. Hún kom Íslandi á bragðið gegn Færeyjum í dag í undankeppni HM.
Lestu um leikinn: Færeyjar 0 - 5 Ísland
„Ég hefði átt að setja fleiri mörk. Maður gerir bara betur næst. Þetta var erfiður leikur og þær lágu mjög langt niðri." sagði Gunnhildur eftir leik.
Íslandi gekk erfiðlega að ná inn fyrsta markinu og liðið lék ekki nægilega vel í fyrri hálfleik. Þegar Gunnhildur Yrsa skoraði fagnaði hún markinu ekki mikið.
„Freyr hefur skammað mig fyrir að fagna ekki mörkunum mínum en ég fattaði þetta aðeins of seint. Næst geri ég þetta betur!"
„Þetta er í okkar höndum í riðlinum og við vitum hvað við þurfm að gera til að koma okkur á HM."
Sjáðu viðtalið í heild í sjónvarpinu hér að ofan.
Athugasemdir