„Það er líka gaman að sjá umgjörðina á milli móta. Maður hefði haldið að það væri alltaf smá skref stigið fram á við á milli móta en stökkið sem var tekið fyrir þetta mót er gríðarlegt. Það hlýtur að vera Íslandsmet. Það er frábært að fá að taka þátt í þessu," sagði Anna sem er ánægð með alla athyglina og umfjöllunina sem liðið hefur fengið síðustu daga og vikur.

„Maður sér andlitið á stelpunum nánast alstaðar á Íslandi. Það er einnig margir Íslendingar að koma sem eru ekkert tengdir okkur stelpunum sem er frábært og við nýtum okkur þetta. Við erum mjög spenntar fyrir þessu móti og gærdagurinn var frábær. Við erum enn í sæluvímu. Við þurfum að taka orkuna sem við fengum þar og nýta hana vel."

Anna Björk tók ekkert þátt í síðustu þremur æfingaleikjum landsliðsins fyrir EM.

„Það var svekkjandi að missa af síðustu leikjunum fyrir mót en Freyr byrjaði að undirbúa okkur frekar tímalega fyrir mótið. Ég náði þó nokkrum leikjum bæði í Kína og á Algarve og mér líður vel í þessu kerfi. Freyr gefur okkur svo miklar upplýsingar að hver og einn leikmaður er með sín hlutverk á hreinu. Það er ekkert erfitt að stökkva inn þetta kerfi finnst mér. Það hjálpa allir öllum. Ég hef ekkert hugsað út í þetta þó það hefði kannski verið betra að fá leiki til að spila fyrir mót."

Viðtalið við Önnu Björk má sjá í heild sinni í sjónvarpinu hér að ofan.