Emil Hallfreðsson, leikmaður íslenska landsliðsins, var vonsvikinn með frammistöðu liðsins er það tapaði fyrir Tékklandi í kvöld.
Lestu um leikinn: Tékkland 2 - 1 Ísland
Ísland tapaði fyrir Tékklandi með tveimur mörkum gegn einu en þetta var fyrsta tap Íslands í undankeppninni.
Emil átti ekki sinn besta dag í dag eins og margir aðrir leikmenn íslenska liðsins en hann átti erfitt með að útskýra ástæðuna fyrir slakri frammistöðu liðsins.
,,Ég held að við megum vera það. Þetta var engan vegin nógu gott og mjög leiðinlegt að þetta fór eins og það fór," sagði Emil.
,,Ég veit það ekki nákvæmlega. Við vorum ekki jafn klárir í verkefnið og við héldum að við værum."
,,Ég var ekki nógu góður í dag og held ég nánast eins og allt liðið því miður. Það var enginn sem náði sér á strik í dag, því miður."
,,Það er alveg rétt hjá þér. Það sýnir kannski hvað fótboltinn er skrýtinn, þrátt fyrir að vera frekar slakir þá vorum við alltaf inni í þessum leik en eftirá er þetta hundfúlt og engar útskýringar af hverju við vorum svona slakir í dag."
,,Á síðustu mínútu í fyrri hálfleik er alltaf eitthvað mental dæmi. Hitt er mjög klaufalegt líka en því miður var þetta ekki okkar dagur í dag," sagði hann að lokum.
Athugasemdir