Alan Pardew, stjóri Newcastle, vill að menn stígi upp gegn Hull um helgina eftir skelfilega byrjun á tímabilinu.
Marigr stuðningsmenn Newcastle vilja sjá Pardew hverfa á braut en liðið situr á botni ensku úrvalsdeildarinnar eftir fyrstu fjórar umferðirnar.
,,Það er kominn tími á að stíga upp og standa okkur. Við eigum heimaleik gegn Hull þar sem pressan verður á okkur," sagði Pardew.
,,Það var erfitt að taka tapinu gegn Southampton (4-0). Sem hópur þá verðum við að gera betur og ég tek ábyrgð á því."
,,Þetta var stórt tap. Þetta var erfiður dagur fyrir stuðningsmenn okkar, erfiður dagur fyrir liðið og erfiður dagur fyrir mig."
Athugasemdir