Síðasti leikur dagsins í spænsku úrvalsdeildinni var viðureign Barcelona og Leganes á Nou Camp.

Lionel Messi kom Börsungum yfir snemma leiks og var það eina mark fyrri hálfleiks.

Gestirnir í Leganes jöfnuðu leikinn á 71. mínútu þegar Unai Lopez skoraði.

Þegar allt stefndi í jafntefli þá fengu Barcelona vítaspyrnu en brotið var á Neymar. Úr henni skoraði Lionel Messi.

Leganes voru nálægt því að jafna leikinn í viðbótartíma, en inn vildi boltinn ekki. 2-1 sigur Barcelona því staðreynd.

Barcelona er nú einu stigi á eftir toppliði Real Madrid en Real Madrid á tvo leiki til góða.