“Já ég er svona nokkuð sáttur, við lögðum upp með það að koma hingað og taka allavega 1 stig heim en miðað við hvernig leikurinn þróaðist er maður svolítið svekktur að hafa ekki tekið bara öll 3,” sagði Jörundur Áki Sveinsson þjálfari BÍ/Bolungarvíkur eftir 1-1 jafntefli við KA á Akureyri.
Lestu um leikinn: KA 1 - 1 BÍ/Bolungarvík
“Frábærlega varið hjá Rajko, kallinn er greinilega alveg með þetta ennþá. Þeir vörðu líka tvisvar á línu í fyrri hálfleik, Rajko varði vel einn á móti einum í fyrri hálfleik þannig að við fengum alveg sénsana til að skora. Við erum pínu svekktir en engu að síður erum við svona þokkalega sáttir með að fara héðan með 1 stig,” sagði Jörundur einnig.
Nýju leikmenn BÍ/Bolungarvíkur stóðu sig með miklum sóma í leiknum.
“Ég er mjög ánægður með þá, þeir koma virkilega vel inn í þetta og hafa staðið sig vel. Við erum búnir að fá þessa menn inn í síðustu leiki og uppskeran er 7 stig, við getum ekki annað en verið bara sáttir með það.”
Nánar er rætt við Jörund Áka í sjónvarpinu hér að ofan.
Athugasemdir