Íslenska kvennalandsliðið mætir Dönum í undankeppni HM í kvöld á Laugardalsvelli. Þetta er mjög mikilvægur leikur fyrir báðar þjóðir en Ísland þarf níu stig í síðustu þremur leikjum sínum í riðlinum, ætli það sér að eiga möguleika að ná í umspil.
Sara Björk Gunnarsdóttir fyrirliði landsliðsins er spennt fyrir leiknum í kvöld og býst við erfiðum leik.
Sara Björk Gunnarsdóttir fyrirliði landsliðsins er spennt fyrir leiknum í kvöld og býst við erfiðum leik.
,,Þetta er mjög gott lið sem við erum að fara mæta. Við náðum fínum úrslitum gegn þeim í fyrri umferðinni þó við hefðum viljað fá þrjú stig. Þetta er sterkt lið og við þurfum að eiga toppleik," sagði fyrirliðinn, sem segir ekkert annað koma til greina í kvöld nema þrjú stig.
Hér má sjá rafræna leikskrá fyrir þennan leik
,,Til að komast í umspil þurfum við að vinna þennan leik. Við þurfum að klára alla þessa leiki sem eru framundan og við byrjum gegn Dönum. Við þurfum að taka það sem við gerðum vel í fyrri leiknum. Við settum góða hápressu á þær og fengum færi. Við nýttum þau reyndar ekki nægilega vel það er eitthvað sem við getum gert betur í leiknum í kvöld."
Sara Björk vonast til að sjá sem flesta á vellinum í kvöld og njóti þess að horfa á flottan fótboltaleik.
,,Vonandi bjóðum við upp á markasúpu," sagði Sara Björk að lokum.
Viðtalið í heild sinni er hægt að sjá í sjónvarpinu hér að ofan.
Athugasemdir
