Fyrirliði Liverpool, Jordan Henderson, hefur hvatt liðsfélaga sína til að læra af tapinu gegn Swansea á Anfield.
Swansea, sem hefur verið í fallbaráttu allt tímabilið, sótti sinn fyrsta sigur á Anfield þökk sé sigurmarki Gylfa Þórs Sigurðssonar.
2017 fer hægt af stað í Bítlaborginni en eini sigur Liverpool á árinu kom í aukaleiknum gegn D-deildarliði Plymouth í enska bikarnum.
„Eitt tap gerir okkur ekki að lélegu liði, við erum enn fullir sjálfstrausts," sagði Henderson í viðtali við heimasíðu Liverpool.
„Þegar við lentum 2-0 undir var það auðséð að við gætum komist aftur inn í leikinn og það tókst. En kannski reyndum við of mikið að ná sigurmarkinu og fengum það í bakið."
„Þetta er gríðarlega svekkjandi en við verðum að vera tilbúnir fyrir næsta leik og læra af þessu."
Athugasemdir