Reo-Coker og Richardson hafa verið til reynslu hjá Granada, en ekki er hægt að fá þá strax til félagsins að sökum peningamála.

„Þeir hafa báðir verið magnaðir og ég væri mjög til í að fá þá, en við munum bjóða þeim samninga fyrir næsta tímabil," sagði Adams, sem hefur byrjað illa sem þjálfari Granada.

Hann hefur tapað fyrstu tveimur leikjum sínum sem þjálfari Granada. Fyrsti leikurinn var 3-0 tap gegn Celta Vigo og í gær tapaði liðið 2-0 á móti sterku liði Sevilla.

Granada er í skítamálum í spænsku úrvalsdeildinni. Liðið er í næst neðsta sæti deildarinnar, sjö stigum frá öruggu sæti. Íslenski landsliðsmaðurinn Sverrir Ingi Ingason er á mála hjá liðinu.