Memphis hefur ekki náð að standa undir væntingum hjá United
Tímabilið sem var að líða hefur verið eitt ótrúlegasta tímabil í sögu ensku úrvalsdeildarinnar.
Leicester varð meistari, Chelsea var í neðri hlutanum og Newcastle féll. Þetta tímabil hefur komið mörgum á óvart og verið algjörlega ófyrirsjáanlegt.
Þrátt fyrir ófyrirsjáanleika er alltaf eitt sem stendur fyrir sínu og það eru léleg kaup.
Það var svo sannarlega nóg af þeim þetta tímabilið.
Hér að neðan má sjá lið skipað verstu kaupum tímabilsins á Englandi.
Adam Bogdan (Liverpool) - Var keyptur til liðsins sem varamarkvörður, en Jurgen Klopp er sagður hafa misst alla trú á honum eftir nokkur mistök á þessu tímabili
Joleon Lescott (Aston Villa) - Hefur verið að koma sér í vandræði bæði innan og utan vallar
Papy Djilobodji (Chelsea) - Keyptur til Chelsea þrátt fyrir óskir Jose Mourinho um annað. Byrjaði ekki einn leik hjá Chelsea og var sendur á lán til Þýskalands í janúar
Micah Richards (Aston Villa) - Annar leikmaður Aston Villa í liðinu. Var fenginn frítt til Villa og var gerður strax að fyrirliða. Hann náði þó aldrei að standast þær væntingar sem gerðar voru til hans
Yohan Benalouane (Leicester) - Kemur nokkuð á óvart að sjá leikmann Leicester í þessu liði. Benalouane er sagður hafa verið keyptur fyrir sjö milljónir punda, en hann kom aðeins við sögu í fjórum leikjum í deildinni
Memphis Depay (Manchester United) - Stuðningsmenn United bjuggust við miklu frá Memphis, en hann skilaði aðeins tveimur mörkum á sínu fyrsta tímabili og olli miklum vonbrigðum
Florian Thauvin (Newcastle) - Keyptur á 12 milljónir punda, en lék aðeins þrjá leiki áður en hann var lánaður til baka til Marseille
Jordan Veretout (Aston Villa) - Var orðaður við Leicester síðasta sumar, en hann ákvað að fara til Aston Villa. Það reyndist honum ekki vel, Leicester varð meistari, Aston Villa féll, og hann átti slakt tímabil
Pedro (Chelsea) - Var talinn vera frábær kaup fyrir meistarana í Chelsea, en annað kom á daginn.
Oumar Niasse (Everton) - Eini leikmaðurinn í liðinu sem keyptur var í janúar. Everton gerði hann að þriðja dýrasta leikmanni í sögu félagsins, en hann hefur aðeins leikið 142 mínútur síðan hann kom í janúar
Christian Benteke (Liverpool) - Miklar vonir virus bundnar við Benteke þegar hann var keyptur til Liverpool fyrir 32 milljónir punda. Hefur þó valdið vonbrigðum og aðeins náð að skora níu mörk
Athugasemdir
