„Við ætluðum náttúrulega að setja á þær mark eins snemma og við gátum. Eins og allir reyna að gera í hverjum einasta leik,“ svaraði Pétur aðspurður um upplegg kvöldsins en Valskonur þurftu að hafa fyrir sigrinum gegn vel skipulögðu HK/Víkingsliði.

Pétur segist nokkuð ánægður með byrjun móts hjá Valskonum og von á að liðið eflist þegar leikmenn sem hafa verið frá vegna meiðsla og barneigna snúa aftur.

„Ég er svosem sáttur við stigafjöldann en hefði náttúrulega viljað fá eitthvað út úr Stjörnuleiknum. Eins og staðan er er fínt að vera með 9 stig.“

„Við vonumst til að fá eitthvað af leikmönnum inn hjá okkur sem hafa verið meiddir eða í barnseignarfíi þannig að við vonumst til þess að verða sterkari eftir því sem líður á.“

Dóra María Lárusdóttir er að jafna sig eftir krossbandaslit og var á bekknum í kvöld.

„Dóra María er allavegana komin á bekkinn svo það er stutt inná fyrir hana. En hvenær það verður kemur í ljós bara,“ sem var svo spurður út í stöðuna á nýbökuðum mæðrunum í hópnum en systurnar Margrét Lára og Elísa Viðarsdætur voru báðar mættar með krílin sín í stúkuna í kvöld.

„Já, já. Mömmurnar eru að æfa á fullu hérna alla daga vikunnar. Það er ótrúlegt að sjá þær með börnin,“ svaraði Pétur sem segist eiga von á þeim fyrr en hann áætlaði í upphafi.

Nánar er rætt við Pétur í sjónvarpinu hér að ofan.