„Ég er bara nokkuð brattur í dag,“ segir Haukur Páll Sigurðsson, fyrirliði Vals, í viðtali við Vísi í dag.
Haukur Páll fór af velli eftir höfuðhögg á 27. mínútu í 2-1 tapinu gegn Grindavík í gærkvöldi.
Haukur fékk höfuðhögg í upphitun þegar hann fékk boltann í andlitið. Eftir annað höfuðhögg í leiknum fór hann svo af velli.
Haukur Páll fór af velli eftir höfuðhögg á 27. mínútu í 2-1 tapinu gegn Grindavík í gærkvöldi.
Haukur fékk höfuðhögg í upphitun þegar hann fékk boltann í andlitið. Eftir annað höfuðhögg í leiknum fór hann svo af velli.
„Það var annað höfuðhöggið á skömmum tíma og þá var lítið hægt að gera. Mér svimaði ekki beint en ég fann fyrir óþægilegri tilfinningu þegar að ég reisti mig við. Það eina rétta í stöðunni var að fá skiptingu," sagði Haukur við Vísi.
Haukur fór ekki á sjúkrahús eftir leikinn en hann er á fínum batavegi og vonast til að spila gegn Breiðabliki í stórleik á sunnudaginn.
„Ég tek því rólega í dag og skokka svo aðeins á morgun og prófa að æfa. Ef ég kemst í gegnum það ætti ég að geta spilað en ég geri allt í samráði við sjúkraþjálfarann og lækni Valsliðsins. Ef þeir gefa mér grænt reikna ég með að spila á móti Blikum,“ sagði Haukur við Vísi.
Athugasemdir
