Sevilla heldur áfram að reyna að fá verðmiðann á Stevan Jovetic lækkaðan hjá Inter en nú hafa Galatasaray einnig áhuga á Svartfellingnum.
Jovetic var seinni hluta tímabils á láni hjá Sevilla á Spáni og skoraði sex mörk og lagði upp fjögur önnur í 21 leik.
Klásúla var í lánsamningnum upp á 13 milljónir evra sem Sevilla þurfti að borga fyrir hann en þeir vilja ekki borga þá upphæð og eru í stað þess að reyna að semja um tvöfaldan samning fyrir Jovetic og Ever Banega á undir 20 milljónir evra.
Þolinmæði Inter virðist vera að klárast en þeir vilja selja Jovetic sem allra fyrst og nota peninginn í sín eigin leikmannakaup.
Samkvæmt Sporvadisi.com eru Galatasaray tilbúnir til að koma með tilboð í Jovetic ef Bafetimbi Gomis samþykkir ekki að ganga til liðs við tyrkneska félagið.
Athugasemdir