Lánaður til Hollands.
Chelsea hefur lánað varnarmanninn Fankaty Dabo til vinafélagsins Vitesse Arnheim í Hollandi.
Hinn 21 árs gamli Dabo varði seinni hluta síðasta tímabils á láni hjá Swindon í ensku C-deildinni og nú mun hann verja næsta tímabili í hollensku úrvalsdeildinni.
Hinn 21 árs gamli Dabo varði seinni hluta síðasta tímabils á láni hjá Swindon í ensku C-deildinni og nú mun hann verja næsta tímabili í hollensku úrvalsdeildinni.
Dabo er uppalinn hjá Chelsea og hefur spilað með yngri liðum félagsins, en hann á enn eftir að spila með aðalliðinu.
Chelsea, sem er Englandsmeistari, hefur lánað leikmenn til Vitesse með reglulegu millibili frá árinu 2010. Leikmenn sem hafa m.a. farið þangað á láni eru Nemanja Matic og Bertrand Traore.
Á síðasta tímabili voru Nathan, Lewis Baker, Matt Miazga og Mukhtar Ali allir sendir þangað á láni og Vitesse endaði í 5. sæti hollensku úrvalsdeildarinnar, Eredivisie.
Athugasemdir
