U17 landslið kvenna byrjaði undankeppni EM á mjög sannfærandi hátt í dag með 4-0 sigri á Hvíta-Rússlandi í Cork á Írlandi. Staðan í leikhléi var 3-0.

Sveindís Jane Jónsdóttir, leikmaður Keflavíkur skoraði fyrsta og síðasta markið.

Hlín Eiríksdóttir úr Val og Karólína Lea Vilhjálmsdóttir skoruðu báðar eitt mark.

Mjög sannfærandi byrjun hjá íslenska liðinu en næsti leikur er gegn Færeyjum á föstudag. Tvær efstu þjóðirnar komast áfram í milliriðla en síðasti leikur Íslands verður gegn gestgjöfunum frá Írlandi á mánudaginn.