Frá æfingu Íslands í morgun.
Íslenska landsliðið æfði í morgun, daginn fyrir leik, á keppnisvellinum í Astana. Áhuginn fyrir leiknum í landinu er alls ekki áberandi enda Kasakstan á botni riðilsins með aðeins eitt stig.
Þegar heimamenn eru spurðir að því hvernig mætingin verði eru svörin mismunandi en búist er við því að 12-17 þúsund manns verði á leiknum.
Þegar heimamenn eru spurðir að því hvernig mætingin verði eru svörin mismunandi en búist er við því að 12-17 þúsund manns verði á leiknum.
Leikvangurinn tekur 30 þúsund manns í sæti og er yfirbyggður eins og margoft hefur komið fram. Þó það sé nístingskuldi í Kasakstan er hlýtt og þægileg á leikvanginum.
Leikvangurinn var tekinn í notkun 2009 en á honum er gervigras. Um er að ræða glænýtt gervigras sem lagt var í desember en það er með kork-ögnum en ekki gúmmíi og eru íslensku leikmennirnir mjög ánægðir með undirlagið.
Allir voru með á æfingunni í dag og eru tilbúnir í slaginn en með því að smella hér má sjá líklegt byrjunarlið.
Tvö félagslið leika á vellinum, úrvalsdeildarliðið FC Astana og B-deildarliðið FC Bayterek.
Lagerback: Það eru allir heilir, ein æfing eftir og vonandi meiðist enginn þar. Allar aðstæður hér til fyrirmyndar og allt gengið vel.
— Elvar Geir Magnússon (@elvargeir) March 27, 2015Athugasemdir
