Englendingurinn Mason Greenwood minnti rækilega á sig í 3-1 sigri Getafe á Almería í La Liga í dag en hann kom að öllum mörkum liðsins.
Greenwood, sem er á láni hjá Getafe frá Manchester United, skoraði tvö og lagði upp eitt í leiknum.
Enski framherjinn skoraði fyrra mark sitt á 27. mínútu með skoti af stuttu færi eftir undirbúning frá Ilaix Moriba. Rafael Lozano jafnaði undir lok hálfleiksins en Greenwood kom Getafe aftur í forystu snemma í síðari hálfleik.
Greenwood lék listir sínar vinstra megin í teignum áður en hann lagði boltann út fyrir teiginn á Moriba sem hamraði honum á markið. Markvörðurinn varði hann út á Greenwood sem lagði hann snyrtilega í hægra hornið.
Þegar hálftími var eftir lagði Greenwood upp þriðja mark Getafe fyrir Jaime Mata og lokatöliur 3-1.
Greenwood hefur nú komið að sextán mörkum með Getafe á tímabilinu, sem situr í 9. sæti með 43 stig.
Girona vann þá 2-0 sigur á nýliðum Las Palmas. Bæði lið klikkuðu á vítapunktinum á fyrsta hálftímanum þar sem markverðirnir stálu sviðinu. Paulo Gazzaniga varði frá Sandro Ramirez áður en Alvaro Valles varði frá Artem Dovbyk tuttugu mínútum síðar en David Lopez komst í frákastið og skoraði.
Girona fékk annað víti snemma í síðari hálfleiknum og var Dovbyk aftur sendur á punktinn. Í þetta sinn skoraði hann og er þar með kominn með 19 mörk í deildinni.
Liðið er nú í öðru sæti með 71 stig og komið upp fyrir Barcelona á töflunni. Meistaradeildarsæti er handan við hornið.
Atlético Madríd vann 3-1 sigur á Bilbao. Rodrigo De Paul, Angel Correa og sjálfsmark markvarðarins Unai Simon færðu Atlético sigurinn, sem er í 4. sæti með 64 stig.
Úrslit og markaskorarar:
Almeria 1 - 3 Getafe
0-1 Mason Greenwood ('27 )
1-1 Rafael Lozano ('41 )
1-2 Mason Greenwood ('48 )
1-3 Jaime Mata ('61 )
Rautt spjald: Jonathan Viera, Almeria ('90)
Alaves 3 - 0 Celta
1-0 Giuliano Simeone ('48 )
2-0 Jon Guridi ('54 )
3-0 Carlos Benavidez ('86 )
Atletico Madrid 3 - 1 Athletic
1-0 Rodrigo De Paul ('15 )
1-1 Nico Williams ('45 )
2-1 Angel Correa ('52 )
3-1 Unai Simon ('80 , sjálfsmark)
Las Palmas 0 - 2 Girona
0-0 Sandro Ramirez ('8 , Misnotað víti)
0-1 David Lopez ('26 )
0-1 Artem Dovbyk ('26 , Misnotað víti)
0-2 Artem Dovbyk ('57 , víti)
Stöðutaflan
Spánn
La Liga - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Real Madrid | 34 | 27 | 6 | 1 | 74 | 22 | +52 | 87 |
2 | Girona | 35 | 23 | 6 | 6 | 75 | 44 | +31 | 75 |
3 | Barcelona | 34 | 22 | 7 | 5 | 70 | 43 | +27 | 73 |
4 | Atletico Madrid | 34 | 21 | 4 | 9 | 63 | 39 | +24 | 67 |
5 | Athletic | 34 | 17 | 10 | 7 | 55 | 33 | +22 | 61 |
6 | Real Sociedad | 34 | 14 | 12 | 8 | 48 | 35 | +13 | 54 |
7 | Betis | 34 | 13 | 13 | 8 | 43 | 39 | +4 | 52 |
8 | Valencia | 34 | 13 | 8 | 13 | 37 | 39 | -2 | 47 |
9 | Villarreal | 34 | 12 | 9 | 13 | 56 | 58 | -2 | 45 |
10 | Getafe | 34 | 10 | 13 | 11 | 41 | 47 | -6 | 43 |
11 | Alaves | 35 | 11 | 9 | 15 | 34 | 40 | -6 | 42 |
12 | Sevilla | 34 | 10 | 11 | 13 | 45 | 46 | -1 | 41 |
13 | Osasuna | 34 | 11 | 6 | 17 | 37 | 51 | -14 | 39 |
14 | Las Palmas | 34 | 10 | 7 | 17 | 30 | 43 | -13 | 37 |
15 | Vallecano | 34 | 7 | 13 | 14 | 27 | 43 | -16 | 34 |
16 | Celta | 34 | 8 | 10 | 16 | 40 | 52 | -12 | 34 |
17 | Mallorca | 34 | 6 | 14 | 14 | 27 | 40 | -13 | 32 |
18 | Cadiz | 34 | 4 | 14 | 16 | 23 | 49 | -26 | 26 |
19 | Granada CF | 34 | 4 | 9 | 21 | 36 | 64 | -28 | 21 |
20 | Almeria | 34 | 2 | 11 | 21 | 33 | 67 | -34 | 17 |
Athugasemdir