Jón Gísli skoraði bæði mörk leiksins. Það fyrra kom eftir að hann náði boltanum af Bergsteini markmanni Leiknis og það seinna kom þegar rúmar 5 mínútur voru eftir en þá fékk hann langan bolta innfyrir frá leikmanni Leiknis sem hitti ekki boltann á vallarhelmingi ÍR-inga.

„Þetta voru mjög steikt mörk en mörk eru mörk og þau telja.“

Þegar tæpar 5 mínútr lifði leiks fengu Leiknismenn vítaspyrnu. Jóni fannst vera brotið á sér í aðdraganda hennar.

„Ég er í baráttu á miðjunni við einn strákinn í þeirra liði og hann setur höndina í höfuðið á mér. Hann flautar ekki og þeir fá víti. En við erum með frábæran markmann. Þetta er besti markmaður sem ég hef æft með og ég hef æft með David James," segir Jón Gísli um markvörðinn Magnús Þór Magnússon sem hefur verið frábær hjá ÍR.

Viðtalið má sjá í sjónvarpinu hér að ofan.