Umtiti kemur inn í staðinn
Mathieu er meiddur
Jeremy Mathieu, miðvörður Barcelona, er meiddur og mun ekki fara á EM. Hann er þriðji miðvörður Frakka sem meiðist fyrir EM.
Mathieu er meiddur á kálfa, en auk hans eru Raphael Varane og Kurt Zouma meiddir.
Þá hefur verið spurningarmerki með Mamadou Sakho, en banntími hans eftir að hafa fallið á lyfjaprófi rann út í gær og gæti hann því tæknilega séð spilað með Frökkum á EM.
Samuel Umtiti, miðvörður Lyon hefur verið kallaður inn í hópinn í stað Mathieu.
Þá var Adil Rami, miðvörður Sevilla kallaður inn í hópinn í stað Varane, en Didier Deschamps, landsliðsþjálfari, þarf að velja lokahópinn endanlega fyrir sunnudaginn.
Samuel Umtiti er mættur
Athugasemdir
