Staðan á íslenska landsliðshópnum er góð fyrir leikinn gegn Frökkum í 8-liða úrslitum EM á sunnudag.
„Allir eru heilir og allir eru mjög ánægðir," sagði Heimir Hallgrímsson, landsliðsþjálfari, á fréttamannafundi í dag.
„Allir eru heilir og allir eru mjög ánægðir," sagði Heimir Hallgrímsson, landsliðsþjálfari, á fréttamannafundi í dag.
Á 76. mínútu gegn Englandi var Jón Daði Böðvarsson á leið af velli þegar Kolbeinn Sigþórsson bað um skiptingu í staðinn. Kolbeinn er í góðu lagi fyrir leikinn á sunnudag.
„Kolbeinn var þreyttur og vildi koma út af," sagði Heimir.
„Hann sá að við vorum að skipta um framherja og vildi koma af velli. Fyrir okkur skipti það ekki miklu máli á þessu augnabliki, þeir voru báðir að standa sig frábærlega. Hann var ekki meiddur heldur þreyttur. Þetta var klókt hjá honum."
Athugasemdir