Svíar eru Evrópumeistarar landsliða skipuðum leikmönnum 21 árs og yngri.

Svíar áttu magnað mót þar sem dugnaður, hugrekki og þrautseigja skiluðu gullinu.

Í riðlinum töpuðu Svíar gegn Englendingum og gerðu jafntefli við Portúgali sem þeir mættu svo aftur í úrslitum eftir að hafa slegið Dani út í undanúrslitum.

Úrslitaleikurinn var frekar jafn þar sem Portúgalir nutu þess að stjórna leikflæðinu á meðan Svíarnir spiluðu fyrir aftan boltann og voru snöggir að snúa vörn í sókn.