Ítalska félagið Torino borgar aðeins eina milljón punda fyrir að fá enska landsliðsmarkvörðinn Joe Hart lánaðan út tímabilið.
Joe Hart er í Ítalíu í læknisskoðun og til að ganga frá lánssamningi sínum frá Manchester City. Félagaskiptin verða staðfest á morgun.
Hann steig út á svalir á höfuðstöðvum Torino í dag með trefil merktan félaginu og veifaði til stuðningsmanna.
Manchester City borgar áfram langstærstan hluta launa Hart meðan hann spilar á Ítalíu. Torino er með þrjú stig eftir tvo leiki í ítölsku A-deildinni.
Hart ákvað að yfirgefa City eftir að ljóst var að hann væri ekki hugsaður sem aðalmarkvörður af Pep Guardiola.
Joe Hart to Torino goes through Wednesday morning - everything agreed between clubs.
— Jim White (@JimWhite) August 30, 2016
Athugasemdir