Leicester City og Arsenal mættust í dag í ensku úrvalsdeildinni í afar skemmtilegum leik.

Mikið var um færi á báða bóga allan leikinn en það voru Arsenal sem komust yfir, Alexis Sanchez skoraði þá eftir undirbúing Santi Cazorla og Yaya Sanogo.

Forrustan entist þó aðeins í tvær mínútur því Jeff Schlupp átti frábæra fyrirgjöf á kollinn á Leonardo Ulloa sem jafnaði með góðum skalla.

Ekki var meira skorað í fyrri hálfleik þrátt fyrir tækifæri beggja liða.

Leonardo Ulloa komst hvað næst því að skora í seinni hálfleik þegar hann fór illa með Calum Chambers áður en hann skaut rétt framhjá marki Arsenal.

1-1 jaftefli staðreynd í mjög fjörugum leik. Leicester liðið hefur staðið sig vel í deildinni hingað til gegn þremur afar erfiðum liðum.