Daniel De Ridder til Wigan (Staðfest)

De Ridder komst að samkomulagi við Birmingham í gær um að rifta samningi hans við félagið og skrifar undir þriggja ára samning við Wigan en Steve Bruce, knattspyrnustjóri Wigan, fékk hann til Birmingham síðasta sumar þegar hann var stjóri liðsins.

Hollendingnum gekk illa að fóta sig hjá Birmingham og spilaði aðeins tólf leiki með liðinu á síðasta tímabili.

„Þegar þjálfari segir að hann vilji fá þig í sitt lið þá er það mikið hrós, sérstaklega þegar það er jafn stórt lið og Wigan sem er búið að festa sig í sessi í Úrvalsdeildinni,\" sagði De Ridder.

Þetta eru fyrstu kaup Wigan í sumar en Bruce ætlar sér að fá fleiri fyrir komandi átök.