Hinn öskufljóti kantmaður, Allan Saint-Maximin, er kominn aftur heim til Frakklands en hann samdi í kvöld við Lens sem er í titilbaráttunni í frönsku úrvalsdeildinni.
Franski leikmaðurinn rifti samningi sínum við Club America í Mexíkó eftir að börn hans urðu fyrir stöðugum kynþáttafordómum í landinu.
Saint-Maximin, sem er 28 ára gamall, rifti því við félagið og var ekki lengi að finna sér nýtt félag en hann samdi við Lens út þetta tímabil.
Lens er á svakalegu skriði og situr í öðru sæti frönsku deildarinnar með 46 stig, tveimur stigum frá Frakklands- og Evrópumeisturum Paris Saint-Germain.
Vængmaðurinn lék áður með Bastia, Mónakó, Nice og Saint-Etienne í Frakklandi. Hann spilaði með Newcastle United í fjögur ár og var í miklu uppáhaldi stuðningsmanna áður en hann hélt til Sádi-Arabíu árið 2023.
???????????? ???????????? ???? pic.twitter.com/QxSqreet7o
— Racing Club de Lens (@RCLens) February 2, 2026
Athugasemdir
