Davíð Smári Lamude, þjálfari Kórdrengja, var að vonum sáttur eftir 3-0 sigur sinna manna á Njarðvíkingum. „Níu stig, níu mörk og ekkert á okkur. Það getur varla orðið mikið betra en það.“

Lestu um leikinn: Kórdrengir 3 -  0 Njarðvík

Hvað fannst honum um frammistöðu sinna manna? „Við vorum skilvirkir en mér fannst við ekkert spila neitt æðislega vel. Þeir svosem pressa ágætlega og voru fínir þannig séð. Við ætluðum bara að spila fótbolta og sækja á þá en það gekk ekki allt upp. Við vorum í smá basli með að láta boltann vinna en þeir lokuðu vel á okkur.“

Aðspurður út í breytingar sem gerðar voru á byrjunarliðinu sagði hann mikla breidd aðalástæðuna. „Ef við erum ekki ánægðir með suma þá eru aðrir að banka á dyrnar. Það er ástæðan fyrir að liðið er svona gott. Það verða allir að vera á tánum.“

Albert Brynjar var tekinn út af þegar hann vantaði eitt mark í þrennuna. „Hann er búinn að skamma mig mjög oft fyrir að taka sig út af þegar hann er að detta í þrennuna. En það eru menn sem bíða á bekknum og þurfa að fá mínútur. Út á það gengur þetta.“

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit