Pedro á ströndinni, þar sem honum líður best.
Chelsea hefur keypt Brasilíumanninn Joao Pedro fyrir 60 milljónir punda og hann gæti leikið sinn fyrsta leik fyrir félagið í 8-liða úrslitum HM félagsliða um komandi helgi. Chelsea á leik gegn Palmeiras.
Pedro, sem er 23 ára, kemur frá Brighton og hefur skrifað undir átta ára samning við Chelsea. Hann skoraði 30 mörk í 70 leikjum fyrir Brighton og er fyrrum leikmaður Watford.
Chelsea hefur lagt áherslu á að styrkja sóknarlínuna með kaupum á leikmönnum á borð við Pedro, Jamie Gittens og Liam Delap.
Gittens, sem er á leið frá Borussia Dortmund fyrir 55 milljónir punda, getur þó ekki spilað á HM félagsliða þar sem hann hefur þegar tekið þátt fyrir Dortmund.
The boy from Brazil. ???????? pic.twitter.com/lVM8B9TlBV
— Chelsea FC (@ChelseaFC) July 2, 2025
Athugasemdir
