Ganamaðurinn Kamaldeen Sulemana mun leika á Ítalíu næstu árin en hann er genginn í raðir Atalanta frá Southampton.
Sulemana er 23 ára gamall vængmaður sem kom að fimm mörkum í ensku úrvalsdeildinni er Southampton féll með tilþrifum aftur niður í B-deildina.
Hann var einn áhugaverðasti bitinn á markaðnum úr liði Southampton og hefur Atalanta nú fest kaup á honum fyrir 18,3 milljónir punda.
Á dögunum fékk hann leyfi til þess að ferðast til Bergamó til að gangast undir læknisskoðun og nú hefur verið gengið frá öllum lausum endum.
Southampton mun fá 15 prósent af endursöluverði Sulemana.
Ivan Juric er þjálfari Atalanta, en hann þjálfaði einmitt Sulemana hjá Southampton á síðasta tímabili og átti svo sannarlega sinn þátt í hrikalegu falli liðsins.
Welcome to Bergamo, @kamaldeenho10 ????????????????@newbalance | #GoAtalantaGo ??????
— Atalanta B.C. (@Atalanta_BC) July 2, 2025
Athugasemdir
