Michael Abnett í BÍ/Bolungarvík (Staðfest)

Abnett, sem er 21 árs, getur leikið á báðum köntunum sem og í bakverði. Hann ólst upp hjá Crystal Palace og var þar áður en hann fór til utandeildarliðsins Lewes á síðasta ári.

Nicky Deverdics hefur einnig verið til reynslu hjá BÍ/Bolunarvík en ekki er ljóst hvort hann verði með Vestfirðingum í sumar.

Í gær kom einnig skoskur miðjumaður til BÍ/Bolungarvíkur á reynslu en hins vegar er mjög ólíklegt að Tomi Ameobi komi til félagsins eins og stóð til.

Ameobi, sem er bróðir Shola Ameobi framherja Newcastle, átti að koma á reynslu í vikunni en nú er útlit fyrir að hann komi ekki til Íslands.