De Bruyne og Grealish til Napoli? - Rodrygo og Frimpong til Liverpool - Al Hilal vill tvo frá Liverpool - Tveir orðaðir frá Newcastle
   mið 03. júlí 2024 14:44
Elvar Geir Magnússon
Keflavík að fá króatískan framherja - Nacho frá í tvo til þrjá mánuði
Lengjudeildin
Nacho Heras.
Nacho Heras.
Mynd: Fótbolti.net - Hafliði Breiðfjörð
Í útvarpsþættinum Fótbolti.net á X977 var sagt frá því að Keflavík væri að fá króatískan framherja þegar glugginn opnar um miðjan mánuðinn.

Sá heitir Michael Mladen og er 24 ára gamall. Hann lék síðast fyrir Radnik Krizevci í heimalandi sínu.

Þá hefur Fótbolti.net fengið staðfest að varnarmaðurinn Nacho Heras verði frá næstu 8-12 vikurnar vegna meiðsla beinmars í sköflungi.

Þetta er mikið áfall fyrir Keflvíkinga en Nacho, sem hefur spilað sjö leiki í deildinni, er einn besti varnarmaður Lengjudeildarinnar. Óvíst er með frekari þátttöku hans í mótinu.

Keflavík er í áttunda sæti Lengjudeildarinnar og hefur ekki farið eins vel af stað og stuðningsmenn liðsins vonuðust eftir.
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir